Nýjar myndir komnar inn

Jæja loksins, loksins.  Tókst að finna tíma til að koma þeim inn, hreint frábærar myndir frá Önnu Eyberg og Elínu.  Þökkum þeim kærlega fyrir. 

Ef þið hafið myndir frá kvöldinu á tölvutæku sem þið viljið að birtist hérna þá sendið þær á [e-mail].

Þið megið síðan koma með tillögur að því hvað við gerum við síðuna okkar góðu hér hvort við framlengjum líf hennar eitthvað eða lokum henni, og kannski geymum hana til betri tíma.  Endilega komið með uppástungur!

Í lokin vil ég síðan þakka ykkur öllum fyrir frábært og velheppnað kvöld!  Vonandi verðum við svona spræk eftir 10 ár!

Myndir frá kvöldinu....

... eru að detta inn, þetta tekur smá tíma....

Nýjar myndir komnar inn Trivial, skíðaferð og Kempervennen

Skoðið þetta í myndaalbúmunum hérna til vinstri.  Ef þið eruð með myndir á tölvutæku formi endilega sendið þær á [e-mail] og þeim verður komið inn eins fljótt og hægt er.

Nýjar myndir komnar inn

Smellið á myndaalbúmin hér til hliðar til að skoða!

Kæru skólafélagar úr útskriftarárgangi Öldutúnsskóla 1987

15. febrúar 2008  Á síðasta ári voru tuttugu ár liðin frá því að við útskrifuðumst saman frá Öldutúnsskóla. Af því tilefni hefur verið ákveðið að hópurinn komi saman og geri sér glaðan dag á þessum merku  tímamótum. Nú þegar hefur árgangurinn í heild sinni komið saman tvisvar sinnum áður á svipuðum tímamótum. Í fyrra skiptið var það árið 1997 þegar tíu ár voru liðin frá útskrift en þá hittumst við á Hraunholti og áttum saman skemmtilegt kvöld. Síðara skiptið var árið 2003 en þá komum við aftur saman og þá var það Skátaheimilið sem var vettvangur endurfundanna sem heppnuðust ákaflega vel. Það er því sannarlega kominn tími til að hópurinn hittist á nýjan leik til að rifja upp gamlar og góðar stundir. 

Að þessu sinni hefur stefnan verið sett á að koma saman laugardaginn 19. apríl nk. Ákveðið hefur verið að hittast á Gaflinum við Dalshraun og eiga góða kvöldstund saman. Þá er ekki útilokað að reynt verði að hittast fyrr um daginn í skólanum sjálfum. Þar væri hægt að skoða húsakynnin bæði gömul og ný og rifja upp gamlar og góðar stundir. Þangað væri einnig hægt að bjóða gömlu kennurunum okkar til að hitta hópinn. Um kvöldið myndum við síðan eins og áður segir koma saman á Gaflinum. Boðið verður upp á steikarhlaðborð með öllu tilheyrandi. Borðvín og bjór verður í boði á hagstæðum kjörum. Eftir matinn munum við síðan skemmta okkur vel saman fram á rauða nótt. Tónlist frá grunnskólaárunum verður leikin og barinn verður opinn.

Verðinu verður eins og fyrri daginn stillt í hóf, aðeins um 4.000.- kr. á mann og innifalið er:  leigan á salnum, steikarhlaðborð og kostnaður við útsendingu bréfa og annað tilfallandi. Vinsamlega hafið samband við einhvern neðangreindra aðila, annaðhvort með tölvupósti eða í síma fyrir 3. mars nk. til að staðfesta þátttöku. Í framhaldinu verða þeim sem skrá sig síðan sendar frekari upplýsingar um dagskrá og hvernig greiðsla á þátttökugjaldi fer fram: Munið að taka daginn strax frá. Við sjáumst síðan vonandi sem flest þann 19. apríl nk. 

Með kærri kveðju 

Bjarni Viggósson                       [e-mail] eða í síma:  696-2048
Guðmundur St. Björnsson          [e-mail] eða í síma: 8607971
Ingvar Þór Sigurðsson               [e-mail] eða í síma: 862-8043
Anna Eyberg Hauksdóttir           [e-mail] eða í síma: 699-3815
Jónína Rósa Ragnarsdóttir         Sími:  846-4678
Hildur Hinriksdóttir                     [e-mail] eða í síma: 865-8002